طبیب

دور،،، فسوں ساز، اداس سی، بجتی شہنائی ھے

کہاں؟،، رخصار دل فگار کی، غائب رعنائی ھے

ڈوب رہا ہے دل،

رات اب آئی ھے

تری خاطر غم طراز

دیکھ شاہراہ سجائی ھے

کون سی سواری پر ھے

کہاں تک تو آئی ھے

جینا دشوار ہوا،

نظر دھندلائی ھے

مدھ بھری آنکھ، مشہور مسیحائی ھے

سن کر ترا نام،دیکھ خلقت اٹھ آئی ھے

خراب حال میں، خراماں چال تو

مری قسمت میں کیا، لکھی رسوائی ھے

اتنی مشکل بھی نہیں یہ راہ گزر

جتنی ہرجائی، تو  نے بتائی ھے

'چھیتی دوڑ     وے طبیبا  ،نی تے میں مر گی یاں'

مجذوب

مرے یار کے سینے میں
رازداروں کا علوم ھے

کچھ پل اور بِتانے دو
کہ دل بہت مغموم ھے

کوئی بات تو ہوگی یعنی
یاں اتنا جو ہجوم ھے

آئے ہیں خستہ حال سبھی
معمار کی بہت دھوم ھے

اسے راکھ نہ بولو ناظر

آگ تھی، جو معدوم ھے

بات جو مست کرگئی  محفل

اُسی ہاتھ سے مرقوم ھےTop of Form

تیرا بندہ

سنسان سا کوئی مندر ہوں

میں عبرت کا اک منظر ہوں

راکھ سہی

بےتاب سہی

میں غلطی پر ہوں لاکھ سہی

پر ہوں تو تیرا بندہ ہوں

ٹوٹا بھکرا تارا ہوں

جوگی بن آوارہ ہوں

الجھا سلجھا دھاگا ہوں

گرتا پڑھتا مارا ہوں

بے مطلب، بے چارہ

بن منزل میں سیّارہ ہوں

بن قبلہ اپنا کعبہ ہوں

دھوکہ ہوں دھتکارا ہوں

بےساکھی بن بےسہارا

ساقی ہوں، ناکارہ ہوں

گمراہ چلتا تنہا ہوں

میں الٹی بہتی گنگا ہوں

راکھ سہی

بےتاب سہی

میں غلطی پر ہوں لاکھ سہی

پر ہوں تو تیرا بندہ ہوں

دعا کے لیئے ہاتھ

دعا کے لیئے ہاتھ

کبھی نہ اٹھاؤنگا

ذکرِ حاجات

لب پہ نہ لاؤنگا

ترے سامنے آواز اٹھاوں

اتنا میرا دل نہیں

ہاں،
 دل ہی دل میں سب گفتگو کر جاؤنگا

مسجد میں پیونگا

نماز میخانے میں

زاہد کو بےخودی

آسی کو ترغیب ملے گی

کافر کافر کہتے ہیں ترے بندے

تو جنت دے دے یا رب

دیکھ،،کتنوں کو امید ملے گی

تو جب جب بلائے گا

میں اور دور چلا جاؤنگا

دیکھ تو ذرا، رش ترے چاہنے والوں کا

اس لیئے ڈونڈتا ہوں رستہ

تری نظر میں آنے کا

جنت کا ہمیں کوئی شوق نہیں

عیّاش نہیں ہم، ایسا ذوق نہیں

ہاں

آپ سے ملنا ہے

بتایئے کہاں آنا ہے

سر کے بل آئیں

یا ماتھا تکا کے آنا ہے

سنا ہے

آپ بہشت میں جلوہ دیکھاتے ہیں

تو بتایئے کب آنا ہے

بلند داوے کرتے ہیں

باتیں گھڑتے ہیں

پر اے خدا تری قسم

پیار کرتے ہیں

تبھی کرتے ہیں

لاڈلا ہوں

کیفیتِ جنوں ہے یا حالتِ بیداری ہے

سب نے چن لی وہ، جو حالت اُسے پیاری ھے

سجا کے رکھتے ہیں داغوں کو سامنے

جو دیکھ جائے بھلا کیسی پرہیزگاری ھے

میرے حلیے سے دھوکہ نہ کھا زاہد

(شاید) میں نے اک عمر سجدے میں گزاری ھے

میں بھی لاڈلا ہوں، خدا کا ۔۔۔

اے اللہ

شرمساری میری آنے نہیں دیتی

نسبت پرانی جانے نہیں دیتی

ترے در کے باہر، جاں ترے حوالے

کسی ولی کو کہہ کر مجھے بلالے

ہمیں چھوڑ کر جنوں میں

اکیلے چلے جاتے ہیں

ہمیں بلانے والے

کدھر چلے جاتے ہیں؟

تجھے خود اٹھ کر آنا پڑھے گا یا رب

اس بندے کے نخرے زیادہ ہیں

کہتا ہے

لاڈلا ہوں، خدا کا

خاکی

میں کچھ بھی نہیں، ہاں، کچھ نہیں ہوں

خاکم بدھن، خاک جسم اور کچھ نہیں ہوں

نازِ طاقتِ بازو نہیں

طاقِ پروازِ خرد نہیں

زمین بوس ہوں

امید دوش ہوں

مخدوش ہوں

مدہوش ہوں

اور کچھ نہیں

حقیقت میں حقیر

صفت میں فقیر

امتحان ہوں

نسیان ہوں

بھول ہوں

انسان ہوں

اور کچھ نہیں

نقشہِ کائنات میں

ذرہِ مبہم ہوں

فانوسِ ابر پر

شمع معدوم ہوں

بحرِ بے کراں میں

قطرہِ بسمل ہوں

لوحِ ازل میں پھیلا

نقطہِ منتشر ہوں

اور کچھ نہیں

ساقط ہوں، سکوت ہوں

جامد ہوں،  جمود ہوں

شورِ ہستی کے بھنور میں

گھٹی آواز ہوں

خاموش پکار ہوں

اور کچھ نہیں

دقیق زیست میں

عمیق پریت ہوں

طریق کی ریت ہوں

دبا ہوں

ڈوبا ہوں

اس لئے

زمین بوس ہوں

اس لئے

خاک ہوں

خاک ہوں

خاک ہوں

اور کچھ نہیں

ہمیں دیوار سے لگا کر

داستانِ فرداہم سنانے لگے ہیں

فردا فردا کیوں افراد آنے لگے ہیں

پی کر غمِ دردہ ہم لہرانے لگے

بے وجہ آپ کیوں گھبرانے لگے ہیں

غمِ دو جہاں کی لذت

بڑی قلیل یہ زیست ہے

یہ سن کے ہیں پریشان

در در ٹھکرانے لگے ہیں

دل پہ رکھے ہیں ہاتھ

ہاتھ بھی کپکپانے لگے ہیں

سنبھل نہ سکیں گے دل میں غم

اب عالم میں آنے لگے ہیں

راز تو فاش ہوگا

ندامت کا کیا کریں گے

کچھ آن سے سجالیں

جو بات چھپانے لگے ہیں

عشق میں ڈوبنا پڑھے گا

جان تو دیکھ جائے گی

ہمیں دیوار سے لگا کر

وہ کام کروانے لگے ہیں

ہم بے دلی سے انکے ہوئے

وہ اعتراز اٹھانے لگے ہیں

احسان مند نگاہیں دیکھا کر

اب آپ اپنانے لگے ہیں

نہ ہو انکے تو درد ھے

انکے ہونے میں درد ھے

کیوں نہ پھر عشق کے مزے لیں

یہ بات وہ سمجھانے لگے ہیں

ہمیں دیوار سے لگا کر

وہ کام کروانے لگے ہیں

حرکت میں دیکھ ،، سیّارہ بھی ھے

حرکت میں دیکھ ،، سیّارہ بھی ھے
پہنچا کہیں، وہ بےچارہ بھی ھے؟

میرے اعمال کے جمود پر
میرے افکار کے سکوت پر
کیوں بے وجہ بولا کرتے ہو
اپنے بےربط پیمانوں سے کیوں ہم کو طولا کرتے ہو

میں بھی گردش میں لگ جاؤں کیا ؟
کسی انجان سمت پڑھ جاؤں کیا ؟
تم جھوٹا آنسو پونچھو گے اور جانتا ہوں جو بولو گے

روکا تھا اور، پکارا بھی ھے
گاہ گاہ اُسے، دیا اشارہ بھی ھے
پر گمراہوں کا، کوئی چارہ بھی ھے؟

دیوانہ تھا اب دیکھ، آوارہ بھی ھے

عالمِ نا آگاہی

محفلِ مستیِ جہاں رواں ھے
کوئی بتلائے انساں کہاں ھے

بے خودی کا یہ صلہ ملا
نہ خودی ملی نہ خدا ملا
نہ بت کدہ کو صنم ملا
نہ مے کدہ کا غم ملا
عجب عالمِ نا آگاہی ملی
ملا تو خود سے کم ملا

پل بھر کی زیست

یہ کیسا سمندر ہے
یہ کیسی ناؤ ہے
جو کہہ رہی ہے
تغیّر میں ٹھراؤ ہے

جو کہہ رہی ہے
یقین کر میرا
بے یقینی میں ایمان ہے
بے نامی میں پہچان ہے
بے خبری میں گیان ہے

یہ کہہ رہی ہے
منزل، سفر کا نام ہے
زیست، پل بھر کی گام ہے

جام

تاریک راہوں میں سنبھل کے آ

دھر کی بدحالی سے دامن بچائے

نظر نہ لگ جائے، دیکھ میرے جام کو

لا ! اپنی نظروں کو ذرا جھکائے

بے خبری کا زوال آیا

ابھی ابھی ،،
بس ابھی ابھی یہ خیال آیا
لو ،،، بے خبری کا زوال آیا !

جان جا چکی تھی، وقتِ وصال
تب ہوش آیا ،،، وبال آیا !

چھین لی یوں بے رخی سے زندگی
موت دے دی جب کمال آیا ؟!

(عادل ہ منصف ،، یہ انصاف دیکھ لے)

خرد سنبھال نے کی تو دے فرصت
ملزم بہت پامال آیا
پریشان ھے، بد حال آیا

(اور)
لا کر کٹہرے میں کیا مجھ کو بند
پابند کیا جواب کا، بندہ جب نڈھال آیا ؟!

میں تو،
شوق دید میں گم تھا
اسیرِ لحن تھا، صُم تھا
دفاع کیا پیش کرتے، ہم
سنتے ہی رہ گیے، جب سوال آیا

فیصلہ صادر ہوا اور خیال آیا
خیال ۔۔۔
خیال ؟
لو ،، ہوش کو زوال آیا

جناب کی منطق

جان پہ بنی تو، جانِ جاں بن کے آگئے

مری جان کو مشکل بنا کر

وہ مہربان بن کے آگئے

مزاج سب کا الگ ہوتا ھے

ملنسار کوئی محتاط ہوتا ھے

پہلے ہی دام پر بک جایئں کیا؟

بھلا ایسے کوئی کاروبار ہوتا ھے

ہم تو سنتے ہیں دل کی

اور دل ھے، عطا انکی

تو دل میں گر وہ نہ ہوں

بتایئے کس کی خطا ھے حضرت

آپ کے طرز میں کبر ھے

مری فطرت میں حقارت

تو یہ جو دوری ھے مابین ہمارے 

بتایئے کس کے سبب ھے حضرت

خاک ہوں

دکھیائے آئے، پیتم ہم، پیاسے ترے پاس

میخانہ اپنا کھول دے،بجھا میخوار کی آس

خاک ہوں

کیا خاک اڑے گا خاکی

مجھے پرواز دے

چلا بادِ بہار، اے ساقی

لا وہ جام

وہ بادہ

بعد جس کے

باقی نہ رہے بعد، اے ساقی

پلا نظروں

ہاں پلا

نہ شرما

اے ساقی

ٹوٹ جائیں پیمانے

حدوں کے معنے

گر جائیں قدموں میں

ایسے سجدے کرا

اے ساقی

مست نگاہی کا

پلانے کے سوا

اور مقصد ہی کیا ھے

اک سرور ھے

غمِ عشق میں

اور رکھا ہی کیا ھے