Cosmos

آنگن میں اک تارا ھے

گھر سورج مکھی سارا ھے

صحن میں اک دیوانہ

گردش کرتا آوارہ ھے

قمر پہ نقش ہیں اسکے

جہاں نے ایسے مارا ھے

دھندلی چھت ہے کمرے کی

یخ بستہ جل غبارہ ھے

روشن راتوں میں اکثر

دمدار پرندہ گرتا ھے

یا کالے کینوس پر پوشیدہ

کوئی باریک نقاشی کرتا ھے

یہ رنگین عجیب فن پارہ

جو ہھیلا ھے اور پھیلے گا

اس منظر میں کئی نقطے ہیں

اور نقطوں میں کئی ذرّے ہیں

اور ذرّوں میں کئی مادّے ہیں

اک قطرہ وجود ہمارا ہے

اور کتنے گلشن ہیں قربت میں

اور کتنے پھول جو روشن ہیں

اور کتنی گلیاں ایسی ہیں

اور کتنے گلشن سیارے

اور کتنی گلشن کہکشائیں

جو نگاہوں سے اوجھل

شعاعوں  سے دور بستی ہیں

چارپائی پہ لیٹے دیکھا ھے

سچائی کو دور سے دیکھا ھے

ذرہ ذرہ گلشن ھے

گلشن ذرہ ذرہ ھے

Shaam dhali
cigarette jali
din aur dil dono dobay

parday kholo
kuch to bolo
raat aur roo dono andhay

andekha malaal
ha waqif.e.haal
mayoosi jo karti mansobay

Aap hi aap ha
Sazishi haath ha
man cut kay bana sobay

Ab pher sooraj niklay ga
Aj pher dayga dhokay
Cigarette jalao, Dalo parday

نامعلوم

صدر میں دفتر کے باہر

بابا مٹھل کے خاص، دو بندے

محتاط۔، سہی وقت کا انتظار کرتے

ڈھونڈ رہے تھے اگلا شکار

'چل، چل، چل ۔۔۔ جلدی کک مار'

نا معلوم افراد ۔۔۔

یہ ھے شہرِکراچی

اندھیرے کا پہرا جی

بردهمانہے ادھر، سرِعام ھے ادھر

جان بڑے سستے دام ھے ادھر

اچھی قبر مزار کے پاس

میٹھادر، ایدھی کے ساتھ

125 پر سوار

سائے میں تیار

'چل چل موبائیل نکال

کلمہ پڑھ کلمہ، جلدی جلدی، بٹوا نکال'

موبائیل اور بٹوا۔ بٹوے میں 250

ایک گولی چلی، کپڑے ہوئے لال

چھتیس سال کا آدمی تڑپے بےحال

نا معلوم افراد ۔۔۔ پھر سے فرار

)کہتے ہیں  ' چوروں سے مزاحمت نہیں کرنی چاہیی(

پانچ سال سے وہ ادھر دہاڑی پے تھا

پانچ سال پہلے وہ سواری پے تھا

چمن سے آگے اسکا گھر بار تھا

بھولا بھالا، خاندانی کاشتکار تھا

بھلا ہوا کہ شھر میں اک رشتےدار تھا

ڈھابے کے ساتھ والے کمرے میں

اب وہ نیا کرائےدار تھا

بیوی ساتھ اور بچہ جو بیمار تھا

گردے کا مسئلہ، علاج کے لیے لیا ادھار تھا

(S.I.U.T) میں dailysis پر بچہ اسکا سسکتا تھا

تین سال پہلے رک گیا، دل جو کبھی دھڑکتا تھا

پانچ سال سے وہ ادھر دہاڑی پے تھا

'دال روٹی اور 4 دودھ پتی لے آو'

دکاندار اکثر اسے sms کردیا کرتے تھے

بندہ مجبور، حالات کے غرض جی حضوری تھا

دراصل اسکی روزی میں موبایئل بہت ضروری تھا

نام؟ ۔۔۔۔۔۔

ہممم،،،،

نامعلوم تھا

یہ ھے شہرِکراچی

یہاں چمکتی ہے روشنی

ہر وقت، بلاتاخیر

ہزاروں ایمبولینس کی

ای ای ای ای ای ای ای

کلاکار

بچن پوچھ رہا ھے زمانے کدھے گیے

میرے ساتھ کے سب دیوانے کدھر گیے

پوچھو تو سب منشا بننے میں لگے ہیں میاں

ہم انشا کی طرح اپنے کوچے میں ہیں رواں

بوجھ رہے ہیں، سوال جو کچھ سوجھ رہے ہیں

کہاں ہیں کہاں ہیں کلاکار کہاں ہیں

ادب سے کرنے والے وفا-وفادار کہاں ہیں

89 کی پیدائش

سوچ 92 کی طرح

دنیا کی باتوں سے بے نیاز

کچھ خاص، تھا ہم میں

گلی گلی میں رستم چھپے تھے

معنی خیز جیسے 10 روپے تھے

7 کی بوتل 3 کا سموسہ

ساتھ وہ بارش، اور بوسہ

کالج میں ناجانے کتنوں کو ملا دھوکہ

یونی میں آئے تو ملک کا کھوکا

پر بھروسہ تھا ہم پہ

کہ اک اک کر کے ابھرنیگے

پرجب  لگا نوکری بزار

بک گیے بیچارے سب فنکار

بچن پوچھ رہا ھے زمانے کدھے گیے

میرے ساتھ کے سب دیوانے کدھر گیے

ڈایری بھر نے والے

دنیا سے لڑنے والے

چیلف پر کتابیں سجانے والے

اندھیرے پی کر دیا جلانے والے

سورج نگل کر آگاہ کرنے والے

نہاں جذبات رونما کرنے والے

کہاں ہیں کہاں ہیں کلاکار کہاں ہیں

ادب سے کرنے والے وفا-وفادار کہاں ہیں

کنارہ

سایہ جو لہک رہا ھے، اپنا ہی ھے

دیا جو دہک رہا ھے، اپنا ہی ھے

آ آ کہ بہلا رہی ھے لوری تری

یہ آہٹ، حقیقت، سپنا بھی ھے

در بدر بھٹک رہی ہیں نگاہیں

پیر جم گئے در پر، چلنا بھی ھے

کالی ہواؤں سے پوچھتے ہیں  پتا

ہاں وہ انجان بےنام، اپنا بھی ھے

لے آئی کیوں وہ کنارے پر مجھے

جلوے اس شوخ کے الگ سے بنُے ہوئے

اور برسی چاندنی، اندیرے گھنے ہوئے

پرسکوں لہروں کی ناآگاہی

دیکھ کر سوچا وہ الجھا راہی

ترے وجود پر غلاف ھے

تری حقیقت بر خلاف ھے

بس ذرا بڑا، تیرا گڑھا ھے

راہی کنارے پر کھڑا سوچ رہا ھے

بےبسی اور بےبس، یہاں ملتے ہیں

بیزار

زیست سے بیزار ہوں میں

نہیں،، آدم بیزارہوں میں! 

دنیادار نہیں ہوں

میں ریت رسم کا پیروکار نہیں ہوں

خود ہوں، تم جیسا، خدا نہیں ہوں

ہاں، بت ہوں، پر ابھی گرا نہیں ہوں

اپنی امیدوں کی گانٹھ کہیں اور باندھنا

آنکھوں سے چڑھاوے کسی اور پر ڈالنا

 زندہ درگور ہوں میں، پر مزار نہیں ہوں

میں غم گسار نہیں ہوں

اداکار، ریاکار نہیں ہوں

میں تو بس،

بیزار ہوں

آدم سے۔

نفرت سے۔۔