اڑان

اے کاش، آکاش میں چلیں ہم

مدھم مدھم چارقدم، بھلائے سب غم

نرم نرم جسم  سے، ٹکرائے ابر نم

پرندوں سے دوڑیں، لگائے دم خم

اے کاش، آکاش میں چلیں ہم

 ---

روشنیاں چبھتی ہیں آنکھوں میں

بہت بوجھل ہے شور کانوں میں

دھڑکتی ہیں جیسے سر کی سبھی رگیں

دم گھٹتا ہے، سانس رکتا ہے،میرا  اس زمین پر

طبیب

دور،،، فسوں ساز، اداس سی، بجتی شہنائی ھے

کہاں؟،، رخصار دل فگار کی، غائب رعنائی ھے

ڈوب رہا ہے دل،

رات اب آئی ھے

تری خاطر غم طراز

دیکھ شاہراہ سجائی ھے

کون سی سواری پر ھے

کہاں تک تو آئی ھے

جینا دشوار ہوا،

نظر دھندلائی ھے

مدھ بھری آنکھ، مشہور مسیحائی ھے

سن کر ترا نام،دیکھ خلقت اٹھ آئی ھے

خراب حال میں، خراماں چال تو

مری قسمت میں کیا، لکھی رسوائی ھے

اتنی مشکل بھی نہیں یہ راہ گزر

جتنی ہرجائی، تو  نے بتائی ھے

'چھیتی دوڑ     وے طبیبا  ،نی تے میں مر گی یاں'

پاکستانی

سنّی نہ شیعہ نہ وہابی

قصائی نہ باورچی نہ کبابی

سامع نہ سوالی نہ جوابی

لٌوٹا نہ کٹورا نہ پیالی

رومی نہ مجنو نہ غزالی

عاشق نہ حقیقی نہ مجازی

حرام نہ جائز نہ حلالی

شباب نہ حْسن نہ بازاری

مہّذب نہ مسلم نہ آدم

کھلاڑی نہ پیسہ نہ جواری

بن گیا گالی

پہچان تمھاری

سدا جیو

اے سبز ہلالی !

پاکستان زندہ باد

دھراؤ

گھورتے ہوئے برتنوں کا جاذب عکس

پس منظر میں سائے کا یک ڈھنگ رقص

کافوری دیوار کا پھیکا سا رنگ

نلکے کے مو پہ ہلکا سا زنگ

بیکار آوازوں کا بیکار ملاپ

ریاکاروں کی بیزار، اداکاری کا ملاپ

پاؤں میں پل پل پھڑکتی رگیں

پیالوں میں چمکتی تری کی شمعیں

ہر شے کہ رہی ہے بھاگ جاو کہیں

بےچارگی سے فراری کا رستہ نہیں

"اب ہوش میں رہوں گی" یہ سوچتی ہے

مگر

اصوات کی تکراری

منظر کی بیزاری

اسے پھر سے لے ڈوبتی ہے

Airport

سوئے ہوئے

کچھ کھوئے ہوئے

سفر کی تھکن اور منزل کی لگن لئے

خوابوں کی دنیا میں مگن

سب بےہنگم پڑے ہوئے ہیں

Passenger

کھڑی ترچھی
نظر نیچی
بار بار بھوں پر انگلیاں پھیرتی
کندھے پر براؤن بیگ
بازو پر لٹکائے چھتری

کلپ سے بال سمیٹے
چھوٹا سا ٹیٹو،
بائیں کان کے پیچھے
'check pattern trousers'
 اور موزے رنگین
چہرہ زرد، ماتھا پچکائے، غمگین

بنے مجسمہِ اداسی،
کہیں جارہی تھی۔۔۔

چنگاریاں

آ،

کہ تڑپ رہی ہیں مجھ میں

پراصرار چنگاریاں

ہولے۔۔۔ ہولے بول،

کی سن رہی ہیں میری بےتابیاں

سنبھل ۔۔۔ اے دوست سنبھل !!

کہ مٹ چکی ہیں پہلے بھی شناسائیاں

اب صحرا اور گلشن کرینگے سرگوشیاں

کہ پَر طول رہی ہیں میری شوخیاں

پرواز کرے گی آواز مری

دستک دیگی سوز و گداز مری

اور جاگ اٹھیںگے  سب سوزوساز

قفس میں بلبل کی انگڑائیاں

ظلم  و جبر سے بےنیاز

اور تم کہتے ہو، 'تھام لوں زبان

کہ ہو رہی ہیں تجھ سے گستاخیاں

یہ چنگاری ہے، اڑ جائیگی'

میں کہتا ہوں، ساری دنیا جل جائیگی

اور بول اٹھیگیں خاموشیاں

آتش فشاں

اک آتش فشاں پھٹنے کو ھے

یہ شہر، یہاں سے دور بھی

نفرت کا دھواں پھیلے گا

اکڑی گردن، ترچھی نگاہیں

سہمے دل، بلند آوازوں سے

تعصب کے، وفاداری کے

بیہودہ سوال پوچھیں گے

اور امتیاز کے ترازو

عجلت میں بنائے جائیں گے

اس گلشن کے رنگین پھول

بے نور اور سڑ جائیں گے

ناکام

تم پہلے تو نہیں

نہ ہی آخری ہو گے

تھے اور، اور بھی ہونگے

جو ان راستوں پر رینگے

جہاں آج تم ہار بیٹھے ہو

وقتی طور سہی

سطحی طور سہی

مگر ہار بیٹھے ہو

چلو اٹھو

اٹھو، چلو

کہ یہ وہ مقام نہیں

جہاں بےبسی پہ رویا جائے

کم ہمتی، سست روی پہ رویا جائے

وہ جگہ تو ابھی, بہت دور ھے

وہاں پہنچتے پہنچتے ذرا وقت لگتا ھے

وہ جگہ جہاں لوگ ہارتے ہیں

جہاں غم سے، زلف کی خم سے

ہارنے والے پہچانے جاتے ہیں

بے بس، واقعی بے بس ہوتے ہیں

بےکس اصل میں بےکس ہوتے ہیں

ابھی وقت ہے مرے دوست ابھی وقت ہے 

تم اس ہار تک نہیں پہنچے

ناکام کے مقام پر نہیں پہنچے

الفاظ

قید ہر شئی ہے جذبات میں یہاں
الفاظ دے کر مجھے آزاد کیا تو نے

سفرِِ مسلسل کے مسافر

اے سفرِِ مسلسل

ٹھر ایک پل

ٹھر!

کہ ایک پل میں رہ گئے ہیں

کچھ بےسمت مسافر

بحربیکراں سے بیزار ہو کر

گمشدگی کی آس لیے

تکھے تھکے سے بدحواس مسافر

اپنے سایے کا سہارا لئے

فنائیت میں بقا کا دلاسہ لئے

انکے لئے ٹھر

مجذوب

مرے یار کے سینے میں
رازداروں کا علوم ھے

کچھ پل اور بِتانے دو
کہ دل بہت مغموم ھے

کوئی بات تو ہوگی یعنی
یاں اتنا جو ہجوم ھے

آئے ہیں خستہ حال سبھی
معمار کی بہت دھوم ھے

اسے راکھ نہ بولو ناظر

آگ تھی، جو معدوم ھے

بات جو مست کرگئی  محفل

اُسی ہاتھ سے مرقوم ھےTop of Form

سہارے

الجھن ایک،  اوجھل ھے

سینہ سارا،  بوجھل ھے

اک اَنا ھے جس کی رضا نہیں

پر من کو تو منع نہیں

لکھ بھیجو کی سامان نہیں

جس کے سہارے جی سکیں

گھر کی یاد

ہوش کے آخری دہانے

آرزو کے نت نئے بہانے

ہر شب، گھر کا منظر

اور صبحدم پھر ویرانے

یہ معمول سا بن گیا ھے

یہ سراب سے خواب

یہ خواب سی خواہشیں

دھوپ سے آنکھ کھولنے کو ھے

من گھڑت منظر مٹنے کو ھے

تیرا بندہ

سنسان سا کوئی مندر ہوں

میں عبرت کا اک منظر ہوں

راکھ سہی

بےتاب سہی

میں غلطی پر ہوں لاکھ سہی

پر ہوں تو تیرا بندہ ہوں

ٹوٹا بھکرا تارا ہوں

جوگی بن آوارہ ہوں

الجھا سلجھا دھاگا ہوں

گرتا پڑھتا مارا ہوں

بے مطلب، بے چارہ

بن منزل میں سیّارہ ہوں

بن قبلہ اپنا کعبہ ہوں

دھوکہ ہوں دھتکارا ہوں

بےساکھی بن بےسہارا

ساقی ہوں، ناکارہ ہوں

گمراہ چلتا تنہا ہوں

میں الٹی بہتی گنگا ہوں

راکھ سہی

بےتاب سہی

میں غلطی پر ہوں لاکھ سہی

پر ہوں تو تیرا بندہ ہوں

لوگ

جنگی بنیادوں پر امن لانے والے

محبت کے زور پہ بات منوانے والے

دردمندی سے درد کو پھیلانے والے

جان لیکے، اپنی جان دینے والے

مختلف ہاتھوں میں یک کاسہ لیے ہو

تم جدا سہی، تنہا نہیں ہو۔

جینے کے خوف سے مر جانے والے

پرچھایوں سے اپنی ڈر جانے والے

حق کی تلاش میں کھو جانے والے

تم تنہا سہی، جدا نہیں ہو۔

ننگے پیر دوڑتی

ٹھنڈے فرش، ننگے پیر دوڑتی

دیوار پر رنگین لکیر

معصوم چہرے، معصوم ہنسی

بند ڈبّے، کھلونے،تھے سبھی

پھر یک دم یہ جانا

یہاں کائنات ھے اور بسی

نظر افق تک ھے رکی

بند ڈبوں میں، بند زندگی

پیالوں سے اٹھتے بخارات

غیر یقینی پر مذاکرات

دائرے میں دھواں، دایرہ نما

راکھ روشن چہرے میں خوش نما

پھر یک دم یہ جانا

یہاں کائنات ھے اور بسی

نظر افق تک ھے رکی

بند ڈبوں میں، بند زندگی

چاند رات اور بےبسی

دور سے آزاد خوشی

کاغذ پہ رنگین لکیر

ننگے پیر  دوڑتی

ابھروں ؟

ذرہ ذرہ لے کے مٹی

دھارا دھارا کر کے چکی

 ابھروں ؟

ذہن، وہم، فکر بن کے

لمس، بو، نظر بن کے

پھل، پھول، ثمر بن کے

لفظ، بول، اثر بن کے

 ابھروں ؟

دکھ، درد، ملال بن کے

امر، نہی، سوال بن کے

کم، عدم، زوال بن کے

علم، عروج، کمال بن کے

ابھروں؟

فن،گُن، دھُن بن کے

شمع، نور، کرن بن کے

گھُپ،گَھٹا، گُھٹن بن کے

باد،بہار، پَوَن بن کے

ابھروں؟