ماتھے سے شکن مٹ چکے

قنات سوچ کی مٹ چکی

آیئے

جوہرِ آشکاری

دیکھائیے حضرت

ماتھے سے شکن مٹ چکے

یہ بےچینی

یہ اضطرابی

کچھ اور ہے حضرت

راکھ ہوئے

بسمل ہوئے

پھرے در بہ در

یہ آوارگی نہیں

کچھ اور ہے حضرت

ستم کی ٹھنڈ

شاید تری جدائی کا کچھ اس میں اثر ہو

اب کے برس ستم کی ادھر ٹھنڈ پڑی ھے

کب تلک چھپائے پھریں ہم اس غم کو

بہت درد سے اس دل نے آہ بھری ھے

کسی بادل کے ٹکڑے کو برسنے کا کہیں

یا کوئ بتلائے گا اسے جو دل پہ لگی ھے

سمجھا دو اس بار میرے آنگن میں نہ آئے

بےچین ھے بہار، دہلیز پہ کھڑی ھے

وہ بھولنا چاہتا ھے

شبنم کو شبِ غم منانے دو

دل کو سوزِِنہاں سے جل جانے دو

خود کو بہلایا تھا یہ کہ کر

بعد میں منالے گا ابھی جانے دو

طویل ہوئی فرقت وہ پلٹ کے نہ آیا

وہ بھولنا چاہتا ھے، چلو بھول جانے دو

عشق کا ایسا قدردان ھے وہ

عشق کا ایسا قدردان ھے وہ

کہ اُسے عاشقوں سے پیار ھے

غم شناس بھی، جہاں دیدہ بھی

کہ اُسے نم آنکھوں سے پیار ھے

شاید

شاید مجھے تڑپنے سے شغف ھے

شاید مجھے جلنے میں مزا آتا ھے

اک کرب میں رہوں اور مرگ نہ ملے

شاید ایسے جینے میں مزا آتا ھے

تو مرے پاس رہے، بچھڑنے کے بعد

ہاں ایسے ملنے میں مزا آتا ھے

کبھی خاموشی کو سنا ہے تم نے ؟

کبھی خاموشی کو سنا ہے تم نے ؟

اطمینان ہے اسکے حضور میں

اسکی موجودگی کا

اپنا ہی اثر ہے

اپنائیت ہے

بےقراروں کو خاموشی

قرار بخشتی ہے

جلتے بجھتے مدھم ستارے

چمک اٹھتے ہیں اشتیاق میں

نہ جانے مجھسے کیا بولےگی ۔۔۔

پر خاموشی،،

خاموش رہتی ہے

سر سر کرتی ہوائیں

سانسیں روک لیتی ہیں

اس امید پہ، کچھ کہے گی ۔۔۔

پر خاموشی،،

خاموش رہتی ہے

مچلتے سمندر کو

ٹھراؤ بخشتی ہے

جیسے شرارت کرتی بچی

ماں کو تکتی ہے ۔۔۔

پر خاموشی،،

خاموش رہتی ہے

لیکن پتھر سے بنے ان پہاڑوں کو

اور پتھر سے انسانوں کو

وحشت زدہ کرتی ہے

خاموشی،،

کان میں کچھ کہتی ہے

پریشان کرتی ہے

طعنے کستی ہے

بھولی ہوئی تلخ یادیئں

سرگوشی کرتی ہے

خاموشی

اثر کرتی ہے

کبھی خاموشی کو سنو تم

دیکھو، کیا اثر کرتی ہے

شیخ کی گفتگو

خوفِ خدا کی نہیں،، عشق کی باتیں سنا واعظ

محبوب کے خفا ہونے کا ڈر خود ہی لگ جاتا ھے

میرا عشق اب کچھ اور ھے

نازک بدن کے واضح اُبھار

سادہ رُخوں پہ ہلکے نکھار

منہ پہ آنچل کی چادر لیے

گود کو اُنکی سرھانا  کیے

ظلمتِ زلف کے سائے تلے

بےخبر کب تک یوں لیٹے رہیں ؟

بازارِ حسن کے بےسبب طواف

ہوش پہ نشے کے چڑھائے غلاف

تخیُّل میں مورت مُجسم کیئے

تصوّر میں اُنکو سامع کیئے

ہر پل دل کو لُبھائے ہوۓ

بےخیال کب تک یوں جیتے رہیں ؟

جس عشق کی تجھے آس ھے

وہ میری نگاہ کے پاس ھے

اُن راستوں کی مرتی مشعلیں

کبھی میں نے بھی جلائی تھیں

پر دل وہ دیار چھوڑ آیا

میری راہ اب کوئی اور ھے

میرا عشق اب کچھ اور ھے

آو محبت کا میری اختتام لکھ دو

آو محبت کا میری

اختتام لکھ دو

مرض عشق ھے دوا

جام لکھ دو

بے دلی سے سہی

پیام لکھ دو

صلح کرتے ہیں اب

انتقام لکھ دو

منتظر ہوں، میرا

انجام لکھ دو

آو محبت کا میری

اختتام لکھ دو

ایک بار گر تم

انجان لکھ دو

نہ آیئں گے پلٹ کر

فرمان لکھ دو

میرے نام کے آگے

گمنام لکھ دو

جُمبش دو قلم کو

مہربان لکھ دو

آو محبت کا میری

اختتام لکھ دو

کہاں پہ مکین ہو

مقام لکھ دو

مرجھا رہا ھے دل

گلفام لکھ دو

بھٹک گیا مسافر

میزبان لکھ دو

چاہتے ھو کیا اپنے

دام لکھ دو

آو محبت کا میری

اختتام لکھ دو

سوچتے کیا ہو

الہام لکھ دو

جھوٹا ہی سہی

الزام لکھ دو

من گھڑت مجھ پہ

داستان لکھ دو

ہرجانہ ھے کتنا

نقصان لکھ دو

آو محبت کا میری

اختتام لکھ دو

لیکن اے جانِ جاں

یوں خاموش نہ رہو

کس کے دل میں ملیں گے

ڈھونڈ رہے ہیں آپ

آواز دیجیئے

کہاں چھپے ہیں خدارا

بتا دیجیئے

اندھیرے ڈرائے ہیں جلوہ

دیکھا دیجیئے

دل دھڑک رہا ھے تیز، تیز

ہاتھ دیجیئے

کچھ کچھ نشے میں ھوں

جام دیجیئے

بچھا دیا ھے سامنے جی

جواب دیجیئے

ڈھونڈ رہے ہیں آپ

آواز دیجیئے

خانہ بدوش میں، آپ من کے مکیں

تو بتایئں کس کے دل میں ملیں گے

ذاتِ ناتمام

صلاۃ میں کوئی بات نہ ہوئی

کعبہ گئیے ملاقات نہ ہوئی

گھاٹ گھاٹ پھرے گمراہ

راہ لیکن راست نہ ہوئی

بدل رہے اوصاف اب تک

طبیعت دیکھ ثبات نہ ہوئی

گِھس لیں ساری پریت کی راہیں

مکمل پھر بھی ذات نہ ہوئی

ہار

صبحِ نو کی نوید نہ سناؤ

رات کا جاگا، اور نہ جگاؤ

عرصہ ہوا، کہ میں ہار گیا

اب جا چکا، واپس نہ بلاؤ

کچھ لمحے ٹھر

کچھ لمحے ٹھر

اے وقت کی لہر

ذرا سانس لینے دے

میں تھک گیا ہوں

دم گُھٹنے لگے جب دنیا کے خیابانوں میں

دم گُھٹنے لگے جب دنیا کے خیابانوں میں

سانس لینے چلے جانا دور ویرانوں میں

غرق ہو جائے جب زندگی پیمانوں میں

ڈوب جانا کہیں پھر ڈوبتے نظاروں میں

تم ہی بتاؤ ہم کیا کریں

عشق کیا ھے، فرصت سے دیکھ لینا

تمھارے پاس ہی، دل چھوڑ آیا ھوں

کھینچ لائی ھے تری محبت یہاں

بن سنور کسی کو چھوڑ آیا ھوں

ہمارے خلاف فیصلہ

بےشک سنا دینا

اتنا تو حق ھے ہمھیں

ہمھیں بھی بتا دینا

پھانسی لگادی آپ نے،

زلفوں کو پھیلا کر

چادر میں جب چھپاؤ

ہمھیں بھی دفنا دینا

بات،،اتنی سی تھی،

کیا خبر آپ بگڑ جایئں گے

ہم نے فقط کہا تھا

حد سے گزر جایئں گے

گر نہ کریں اب تو بے عمل کہو گے

کر گیئے تو، نظروں سے گِر جایئں گے

دعا کے لیئے ہاتھ

دعا کے لیئے ہاتھ

کبھی نہ اٹھاؤنگا

ذکرِ حاجات

لب پہ نہ لاؤنگا

ترے سامنے آواز اٹھاوں

اتنا میرا دل نہیں

ہاں،
 دل ہی دل میں سب گفتگو کر جاؤنگا

مسجد میں پیونگا

نماز میخانے میں

زاہد کو بےخودی

آسی کو ترغیب ملے گی

کافر کافر کہتے ہیں ترے بندے

تو جنت دے دے یا رب

دیکھ،،کتنوں کو امید ملے گی

تو جب جب بلائے گا

میں اور دور چلا جاؤنگا

دیکھ تو ذرا، رش ترے چاہنے والوں کا

اس لیئے ڈونڈتا ہوں رستہ

تری نظر میں آنے کا

جنت کا ہمیں کوئی شوق نہیں

عیّاش نہیں ہم، ایسا ذوق نہیں

ہاں

آپ سے ملنا ہے

بتایئے کہاں آنا ہے

سر کے بل آئیں

یا ماتھا تکا کے آنا ہے

سنا ہے

آپ بہشت میں جلوہ دیکھاتے ہیں

تو بتایئے کب آنا ہے

بلند داوے کرتے ہیں

باتیں گھڑتے ہیں

پر اے خدا تری قسم

پیار کرتے ہیں

تبھی کرتے ہیں

لاڈلا ہوں

کیفیتِ جنوں ہے یا حالتِ بیداری ہے

سب نے چن لی وہ، جو حالت اُسے پیاری ھے

سجا کے رکھتے ہیں داغوں کو سامنے

جو دیکھ جائے بھلا کیسی پرہیزگاری ھے

میرے حلیے سے دھوکہ نہ کھا زاہد

(شاید) میں نے اک عمر سجدے میں گزاری ھے

میں بھی لاڈلا ہوں، خدا کا ۔۔۔

اے اللہ

شرمساری میری آنے نہیں دیتی

نسبت پرانی جانے نہیں دیتی

ترے در کے باہر، جاں ترے حوالے

کسی ولی کو کہہ کر مجھے بلالے

ہمیں چھوڑ کر جنوں میں

اکیلے چلے جاتے ہیں

ہمیں بلانے والے

کدھر چلے جاتے ہیں؟

تجھے خود اٹھ کر آنا پڑھے گا یا رب

اس بندے کے نخرے زیادہ ہیں

کہتا ہے

لاڈلا ہوں، خدا کا